Vagostabyl

Indikimet terapeutike:

Rekomandohet:

Për përdorim tek të rriturit për të reduktuar ankthin në rast
perceptimi të rritjes së rrahjeve të zemrës (palpitacioneve), kur sëmundja kardiake është e përjashtuar.

Për përdorim tek të rriturit dhe fëmijët, në rast çrregullimesh të lehta të gjumit.

 Asnjëherë mos përdorni VAGOSTABYL tabletë e veshur në
rastet e mëposhtme:

 Nëse keni mbindjeshmëri ndaj përbërësve aktivë ose ndaj ndonjërit prej përbërësve të tjerë.

 Shtatzënia dhe ushqyerja me gji

Preferohet të mos përdoret ky bar gjatë shtatzënisë. Nëse
zbuloni se jeni shtatzënë gjate trajtimit me kete bar, konsultohuni  me mjekun tuaj pasi vetëm ai mund të vendosë nëse është e nevojshme të vazhdoni trajtimin apo jo.
Ky bar nuk duhet të përdoret gjatë ushqyerjes me gji.

Të rritur:
Në rast palpitacionesh: 2 tableta 1 deri 3 herë në ditë para ngrënies.
Në rast të çrregullimeve të lehta të gjumit: 2 tableta me darkën, 2 tableta para gjumit.

Fëmijë mbi 6 vjeç:
Në rast të çrregullimeve të lehta të gjumit: 1 tabletë me darkën, 1 tabletë para gjumit.

Forma e tabletës nuk është e përshtatshme për fëmijët e moshës nën 6 vjeç.

Përdoreni gjithmonë këtë bar saktësisht siç përshkruhet
në fletëudhëzuesin e produktit të blerë ose siç ju ka rekomanduar mjeku ose farmacisti juaj.
Konsultohuni me mjekun ose farmacistin tuaj nëse nuk jeni të sigurt.

Përbërësit aktivë për një tabletë të veshur:

Ekstrakt i thatë hidroalkolik i murrizit - 50 mg
Ekstrakt i thatë hidroalkolik i barit të bletës - 45 mg
Kalçium laktat pentahidrat – 50 mg
Tiosulfat magnezi - 10 mg

Përbërësit të tjerë shtesë:
Povidon K 30, laktozë monohidrat, celulozë mikrokristaline (Avicel PH 101), silic koloidal anhidër, amidon misri, talk, stearat magnezi.
Veshja: sepifilm SN, talk, saharozë, xhelatinë, gomë arabike, e verdhë portokalli S (E110), OPAGLOS 6000