Nurofen 400mg

Ibuprofen bën pjesë në një grup barnash të quajtura barna anti-inflamatore jo steroide(AIJS). Këto barna sigurojnë lehtësim duke ndryshuar mënyrën sesi trupi i përgjigjet dhimbjes dhe temperaturës.
Nurofen përdoret tek të rriturit dhe fëmijë & adoleshentë që peshojnë mbi 40 kg(12 vjeç e lart), për trajtimin simptomatik të:
-dhimbjeve të lehta dhe mesatare të tilla si dhimbje koke, dhimbje menstruale, dhimbje dentare
-temperaturë dhe dhimbje të shoqëruara me ftohje të zakonshme.

Mos merrni Nurofen nëse:
*jeni alergjike ndaj ibuprofenit, ponceau 4R (E124) ose ndonje prej perberësve të tjerë të këtij bari .
* keni vuajtur ndonjëherë nga vështirësitë në frymëmarrje, astmë, rrufë,enjtje ose urtikarie pasi keni përdorur acid acetilsalicilik (te njohur si aspirinë) ose qetësues të tjerë të ngjashëm (AIJS).
* keni (ose keni pasur dy ose më shumë episode) ulçer stomaku/duodenale (ulçer peptike) ose hemorragji.
* keni pasur hemorragji gastrointestinale ose perforim, kur keni marrë më parë AIJS (barna anti-inflamatore josteroide)
* vuani nga çrregullime te panjohura te organeve gjakformuese
* vuani nga tendenca per gjakderdhje te pakontrolluar (hemorragji) ose mpiksje (koagulim)
* keni pamjaftueshmëri të rendë të mëlçisë, veshkave ose zemrës
* jeni në tre muajt e fundit të shtatzënisë
* vuani nga dehidratimi i rëndë (i shkaktuar nga te vjella, diarre ose marrje e pamjaftueshme e lëngjeve)
* vuani nga hemorragjia në tru (hemorragjia cerebrovaskulare) ose hemorragji tjetër aktive.

Nuk duhet te administrohet tek adoleshentët me peshë më të vogël se 40 kg ose femijët nen 12 vjeç.

Gjithmonë merrni Nurofen saktësisht siç thuhet në këtë fletëudhëzues. Ju duhet të komunikoni me mjekun ose farmacistin tuaj něse nuk jeni i sigurt.
Nëse nuk përshkruhet ndryshe nga mjeku juaj,doza standarde është:

Të rriturit dhe fëmijët & adoleshentët që peshojnë mbi 40 kg (12 vjeç e lart):
Doza fillestare: Merrni 1 kapsulë (400 mg ibuprofen) me ujë, pastaj nëse është e nevojshme 1 kapsulë (400 mg ibuprofen) çdo gjashtë orë.
Mos kaloni 3 kapsula (1200 mg ibuprofen) në 24 orë. Mos i jepni Nurofen adoleshenteve me peshë nën 40 kg ose fëmijëve nën 12 vjec.
Metoda e administrimit:
Për përdorim oral. Mos e përtypni.
Rekomandohet që pacientet me stomak te ndjeshëm te marrin Nurofen me ushqim. Nese merret shpejt pas ngrënies, fillimi i veprimit te Nurofen mund të vonohet. Nëse kjo ndodh, mos merrni më shumë Nurofen sesa rekomandohet brenda këtij seksioni ose derisa te kalojë intervali i saktë i dozimit.
Kohëzgjatja e trajtimit
Ky medikament është menduar vetëm për përdorim afatshkurtër. Ju duhet të merrni vetëm dozën më të ulët për kohën më të shkurtër të nevojshme për të lehtesuar simptomat tuaja.
Tek femijët dhe adoleshentët
Nëse tek fëmijët dhe adoleshentët midis 12 dhe 18 vjeç,Nurofen kërkohet për më shumë se 3 ditë, ose nëse simptomat përkeqësohen, duhet të konsultoheni me një mjek.
Tek të rriturit
Nëse Nurofen kërkohet për më shumë se 3 ditë për trajtimin e etheve dhe 4 ditë për trajtimin e dhimbjes ose nëse simptomat përkeqësohen,këshillohuni me mjekun tuaj.

Indikacionet dhe lista e përbërësve mund të pësojnë ndryshime herë pas here. Përdoreni gjithmonë këtë bar saktësisht siç përshkruhet në fletëudhëzuesin e produktit të blerë ose siç ju ka rekomanduar mjeku ose farmacisti juaj. Konsultohuni me mjekun ose farmacistin tuaj nëse nuk jeni të
sigurt.

Active ingredient -Ibuprofen: 400 mg
Inactive ingredients-Maltodextrin, modified maize starch, tartrazine E102, sodium saccharin (E954), sodium cyclamate (E952), and sodium citrate.