Higjena e gojës dhe ndikimi i saj në shëndetin tuaj të përgjithshëm
Një buzëqeshje e bukur fillon me dhëmbë të shëndetshëm, por përfitimet e higjienës orale shkojnë shumë më tej.
Dhëmbët dhe gingivat e shëndetshëm ndikojnë drejtpërdrejt në shëndetin e gjithë trupit.
Kur bakteret që shkaktojnë prishje ose gingivit hyjnë në qarkullimin e gjakut, ato mund të ndikojnë në zemër, të rrisin rrezikun për lindje të parakohshme, apo të përkeqësojnë sëmundje si diabeti.
Prandaj, kujdesi për dhëmbët nuk është vetëm çështje estetike – është një investim për shëndetin tuaj!
- Çfarë do të thotë të kesh një higjienë të mirë të gojës?
Higjiena e mirë e gojës nuk kërkon shumë, vetëm pak kujdes çdo ditë:
-Lani dhëmbët dy herë në ditë për të paktën dy minuta me një furçë dhe pastë të përshtatshme.
- Përdorni fill dentar ose furça interdentare për të pastruar zonat ku furça e zakonshme nuk arrin.
- Mos harroni shpëlarësin antibakterial , që ndihmon në luftimin e pllakës bakteriale.
- Dhe sigurisht, vizitoni dentistin tuaj dy herë në vit për kontroll dhe pastrim profesional.
Këto hapa të vegjël bëjnë ndryshimin e madh!
Ushqehuni mirë për dhëmbë të fortë!
Ajo që hani ndikon shumë në shëndetin e dhëmbëve tuaj.
Zgjidhni ushqime të pasura me vitamina dhe minerale si frutat, perimet, qumështi dhe djathi.
Shmangni pijet dhe ushqimet me sheqer , veçanërisht midis vakteve.
Kështu ndihmoni pështymën të bëjë punën e saj mbrojtëse dhe parandaloni krijimin e pllakës bakteriale që dëmton smaltin.
Mos harroni gingivat (mishrat e dhëmbëve)!
Gingivat e shëndetshme janë themeli i një buzëqeshjeje të bukur.
Përdorimi i rregullt i fillit dentar dhe shpëlarësit të gojës parandalon gingivitin dhe sëmundjet e gingivave.
Një vizitë periodike te dentisti ju ndihmon të parandaloni çdo problem përpara se të bëhet serioz – dhe ju jep këshilla të personalizuara për kujdesin e përditshëm.
Kujdes me sheqerin midis vakteve!
Konsumimi i shpeshtë i pijeve ose ushqimeve me sheqer mund të dëmtojë smaltin dhe të krijojë terren për bakteret.
Në vend të kësaj, përpiquni të hani mirw gjatë vakteve kryesore dhe lajini dhëmbët pas ngrënies .
Kështu do të ruani një ekuilibër të shëndetshëm në gojë dhe një buzëqeshje të fortë për vite me radhë.
Në fund të ditës... Kujdesi për dhëmbët është kujdes për veten.
Një gojë e pastër, gingiva të shëndetshme dhe një buzëqeshje e bukur ndikojnë në shëndetin, vetëbesimin dhe humorin tuaj çdo ditë.
Mos e lini për nesër – filloni sot me hapa të vegjël për një buzëqeshje që shkëlqen nga shëndeti!
