Mikrobiota intestinale dhe roli i probiotikëve në ruajtjen e ekuilibrit saj
Trupi i njeriut është si një univers në miniaturë, ku brenda tij ekziston një botë e gjallë e padukshme e cila quhet mikrobiota intestinale. Ky komunitet i pafund mikroorganizmash, që përfshin baktere, viruse, kërpudha dhe specie të tjera mikroskopike, jeton në traktin tonë tretës dhe luan një rol thelbësor në ruajtjen e shëndetit dhe mirëqenies sonë të përgjithshme. Mikrobiota intestinale luan një rol të rëndësishëm në proceset jetike të trupit si tretja, sistemi imunitar dhe gjithashtu funksionimi normal i zorrëve. Sot, lidhja midis mikrobiotës intestinale dhe shëndetit të përgjithshëm njihet gjerësisht nga komuniteti shkencor.
Ju mund ta imagjinoni mikrobiotën tuaj intestinale si një qytet plot lëvizje, ku çdo “banor” ka funksionin e vet të veçantë, duke punuar në harmoni për ta mbajtur ekosistemin e brendshëm në ekuilibër. Ashtu si në çdo qytet, edhe këtu balanca është jetike, nëse një grup mikroorganizmash shumohen tepër ose dobësohen, rendi prishet dhe mund të shfaqen pasoja për shëndetin tonë. Kur ky ekosistem delikat humbet ekuilibrin, për shembull, për shkak të sëmundjeve, përdorimit të antibiotikëve, një diete të dobët apo stresit, ndodh një gjendje e quajtur disbiozë e cila mund të shoqërohet me probleme të tretjes, imunitet të dobësuar, inflamacion apo edhe simptoma të dukshme gastro-intestinale si diarreja apo koliti. Prandaj, është e rëndësishme që mikroorganizmat “e mirë” të lulëzojnë, ndërsa ata të dëmshëm të mbahen nën kontroll.
Në këtë ekosistem të brendshëm, probiotikët luajnë rolin e “rregullatorëve” të mikrobiotës intestinale. Probiotikët janë mikroorganizma të gjallë që, kur merren në sasi të mjaftueshme, ushtrojnë efekte pozitive mbi bujtësin. Gjatë dy dekadave të fundit, probiotikët janë bërë gjithnjë e më të njohur, falë studimeve që kanë vërtetuar efektet e tyre pozitive në shëndetin e njeriut.
Probiotikët ndihmojnë në rikthimin e ekuilibrit intestinal dhe parandalimin e disbiozës. Ata krijojnë një mjedis që favorizon bakteret e shëndetshme, përmirëson tretjen dhe madje ndihmon sistemin imunitar të prodhojë antitrupa për të luftuar mikroorganizmat e dëmshëm. Ekzistojnë dy lloje kryesore probiotikësh: me bazë bakteresh dhe me bazë tharmi. Megjithatë, jo të gjithë probiotikët janë të njëjtë, cilësia e tyre, përbërja e shtameve dhe aftësia për të mbijetuar gjatë kalimit në stomak janë faktorë kyç për efikasitetin e tyre. Prandaj është e rëndësishme të zgjidhni një probiotik që përmban shtame me efikasitet të vërtetuar klinikisht, të sigurtë, me cilësi të lartë dhe nga burime të sigurta e të besueshme.
Ju mund t’i besoni Bioflor®, probiotikut-medikament, që përmban shtamin unik të tharmit origjinal natyral Saccharomyces Boulardii CNCM I-745
Një nga probiotikët më të studiuar dhe të besuar në botë është Bioflor, që përmban shtamin unik të tharmit të liofilizuar Saccharomyces boulardii CNCM I-745, klinikisht i provuar për të mbrojtur dhe rikthyer ekuilibrin e zorrëve. Historia e Bioflor fillon në vitin 1923, kur mikrobiologu francez Henri Boulard zbuloi se njerëzit në Azinë Juglindore që pinin çaj nga lëkurat e mangostinit dhe litchit ishin më pak mundësi të vuanin nga diarreja. Nga ky vëzhgim u identifikua për herë të parë shtami unik i tharmit Saccharomyces boulardii CNCM I-745 dhe pothuajse një shekull më vonë, ai mbetet një nga probiotikët më të studiuar në botë, i mbështetur nga më shumë se 100 studime klinike, 700 publikime, më shumë se 170 studime farmakologjike dhe plot 12 Meta-analiza.
Në dallim nga shumë probiotikë të tjerë, shtami i tharmit Bioflor ka disa përparësi kryesore:
· Është natyrshëm rezistent ndaj antibiotikëve, ndaj mund të merret me siguri në të njëjtën kohë me antibiotikët pa humbur efikasitetin e tij.
· Rezistent ndaj aciditetit të stomakut, që do të thotë se arrin i gjallë në traktin intestinal ku kryen veprimin e tij.
· Gjithashtu nuk kolonizon në mënyrë të përhershme zorrët dhe ndihmon në rikthimin e ekuilibrit pa ndryshuar mikrobiotën tonë natyrale.
Efikasitet i vërtetuar klinikisht:
Bioflor përmban shtamin specifik të tharmit Saccharomyces Boulardii CNCM I-745! Vetitë e tij i atribuohen pikërisht këtij shtami të veçantë, i cili është regjistruar me sukses si një probiotik-medikament, dhe jo si një suplement ushqimor, duke vlerësuar kualitetin, sigurinë dhe efikasitetin e tij nga DRUG MARKETING AUTHORIZATION. Vetitë e tij të fuqishme anti-inflamatore, anti-toksina dhe anti-mikrobiale e bëjnë Bioflor probiotikun ideal për trajtimin dhe parandalimin e të gjitha Ilojeve të diarreve: diarrenë infeksioze, diarrenë e udhëtarit si dhe diarrenë e shkaktuar nga antibiotikët.
Kërkimet shkencore tregojnë se Bioflor ndihmon në trajtimin dhe parandalimin e diarresë akute apo të shkaktuar nga antibiotikët; mbështet rikuperimin e florës intestinale pas trajtimeve me antibiotikë si dhe pengon rritjen e baktereve të dëmshme si Clostridium difficile dhe neutralizon toksinat e tyre.
Për shkak të provave të forta klinike, Bioflor rekomandohet nga Udhëzimet Mjekësore Ndërkombëtare si për të rriturit ashtu edhe për fëmijët.
Por çfarë thonë Udhëzimet Ndërkombëtare?
Disa organizata shëndetësore dhe shoqata shkencore ndërkombëtare të mirënjohura kanë njohur përfitimet unike të probiotikut-tharm Saccharomyces boulardii CNCM I-745. Organizata Botërore e Gastroenterologjisë (WGO) e rekomandon këtë probiotik-tharm për parandalimin e diarresë së lidhur me antibiotikët, reduktimin e efekteve anësore nga trajtimi i Helicobacter pylori dhe trajtimin e diarresë akute. Shoqëria Evropiane e Gastroenterologjisë, Hepatologjisë dhe Ushqyerjes Pediatrike (ESPGHAN) dhe Shoqëria Evropiane e Sëmundjeve Infektive Pediatrike (ESPID) gjithashtu e rekomandojnë atë për trajtimin dhe parandalimin e diarresë tek fëmijët. Grupe ekspertësh në Azi-Paqësor dhe Amerikën Latine kanë dhënë rekomandime të ngjashme, duke forcuar pozicionin e tij si një nga probiotikët më të mbështetur shkencërisht në botë. Këto njohje globale nënvizojnë pse Saccharomyces boulardii CNCM I-745, shtami unik i Bioflor, konsiderohet standardi i artë ndër probiotikët.
Kështu kur bëhet fjalë për probiotikët, cilësia ka vërtet rëndësi. Gjithmonë kërkoni emrin specifik të shtamit (p.sh. Saccharomyces boulardii CNCM I-745), provat klinike që vërtetojnë përfitimet e tij, kushtet e duhura të prodhimit dhe ruajtjes që garantojnë stabilitetin e produktit, si dhe informacion të qartë mbi përdorimin dhe afatin e ruajtjes. Bioflor i plotëson të gjitha këto standarde, duke ofruar mbështetje të besueshme për ekuilibrin e tretjes, rikuperimin e mikrobiotës pas marrjes së antibiotikëve dhe parandalimin e shqetësimeve të zakonshme gastrointestinale si diarreja apo koliti.
Një sistem tretës i shëndetshëm luan një rol thelbësor në mirëqenien tonë të përgjithshme, nga tretja dhe imuniteti deri tek energjia dhe mirëqënia. Përdorimi i një probiotiku-tharm si Bioflor, me shtamin e tij të provuar klinikisht Saccharomyces boulardii CNCM I-745, mund të ndihmojë në ruajtjen e ekuilibrit, rezistencës dhe funksionimit optimal të sistemit tuaj tretës. Për mirëqënie të traktit tuaj intestinal, gjatë udhëtimeve ose për mbrojtje gjatë dhe pas përdorimit të antibiotikëve, Bioflor është një zgjedhje e mbështetur nga shkenca, e besuar dhe e rekomanduar nga profesionistët e shëndetit dhe i përdorur nga mbi 366 milionë pacientë që prej vitit 1980.
Në një kohë kur ruajtja e shëndetit shpesh duket si një proces kompleks, kujdesi për traktin tonë gastrointestinal mund të jetë më i thjeshtë se sa mendojmë. Duke zgjedhur probiotikët e duhur, të studiuar dhe të mirënjohur nga komuniteti shkencor, si Saccharomyces boulardii CNCM I-745, ne mund të forcojmë dhe mbrojmë mikrobiotën intestinale kur ajo është më e brishtësuar.
Herën tjetër kur të mendoni për shëndetin tuaj, kujtoni se brenda jush ekziston një qytet plot jetë që punon pandërprerë për ju. Jepini atij mbështetjen që meriton, sepse kur kjo botë e brendshme lulëzon, po ashtu lulëzojmë edhe ne!
Referenca:
Guarino A, et al. European Society for Pediatric Gastroenterology, Hepatology, and Nutrition/European Society for Pediatric Infectious Diseases evidence-based guidelines for the management of acute gastroenteritis in children in Europe: update 2014. Journal of pediatric gastroenterology and nutrition. 2014; 59(1): 132-152.
Guarner et al. Probiotics and prebiotics. World Gastroenterology Organisation Global Guidelines. February 2017. https://www.worldgastroenterology.org/guidelines/global-guidelines/probiotics-and-prebiotics/probiotics-and-prebiotics-english. Last accessed 14th November 2019.
Cameron D, et al. Probiotics for gastrointestinal disorders: proposed recommendations for children of the Asia-Pacific region. World journal of gastroenterology. 2017; 23(45): 7952.
16 . Ghoshal UC, et al. The role of the microbiome and the use of probiotics in gastrointestinal disorders in adults in the Asia‐Pacific region‐background and recommendations of a regional consensus meeting. Journal of gastroenterology and Hepatology. 2018; 33(1): 57-69.
Recommendations of AGA. https://www.gastro.org/practice-guidance/gi-patient-center/topic/probiotics/choosing-the-right-probiotics. Last accessed 20th January 2020.
